FacebookTwitter

Youth Science (galego)

Que é Youth Science?

Versión en castellano

Youth Science é unha iniciativa dos Olímpicos que tenta fomentar a divulgación da “educación non formal”. Compartiu datas e cidade co ECOEB de Santiago de Compostela (días 1, 2 e 3 de Abril de 2016). A iniciativa consistiu en tres tipos de actividades:

 


 

Charlas sobre educación non formal

 

Coa colaboración de investigadores novos e estudantes de carreiras científicas de toda España, leváronse a cabo charlas interactivas en centros de secundaria de Santiago (IES Pontepedriña) e Pontevedra (IES A Xunqueira) o venres 1 de abril en horario de mañá. A primeira metade da actividade consistiu en exposicións sobre as experiencias propias dos relatores e sobre que desexasen saber antes de entrar na Universidade. Para ampliar a visión ofrecida, realizáronse en parellas que se complementen por experiencias propias e etapas formativas. Posteriormente os asistentes (estudantes de 4 de ESO e Bacharelato) tiveron a oportunidade de expoñer as súas preocupacións, dúbidas e expectativas.

Así mesmo, o obxectivo das charlas foi concienciar aos alumnos sobre a importancia da educación non formal, da adquisición de competencias laterais no ámbito científico e no crecemento persoal e curricular, como son o voluntariado, asociacionismo, liderado, activismo ecolóxico ou social ou habilidades comunicativas e a organización de eventos.

Divulgación en centro de ensino secundario

 


 

Youth Science Nite

 

A “Youth Science Nite” realizouse no bar A Novena Porta, no centro histórico da cidade de Santiago de Compostela, o venres 1 de Abril ás 21:00. A través de charlas curtas ao estilo das “TED Talks” ou “Nerd Nites”, varios expertos e membros de asociacións de divulgación científica falaron sobre a importancia das habilidades e competencias da educación non formal na súa traxectoria profesional ou investigadora e expuxeron as claves da súa aplicación.

Ademais, nun ambiente distendido, próximo e agradable, expuxéronse situacións en que se aplican conceptos científicos a outros campos que habitualmente se desligan da ciencia. Do mesmo xeito, tamén se comentaron aspectos nos que a investigación científica benefíciase de métodos, conceptos, ideas e proxectos atribuídos a campos esquecidos na formación científica específica. Todo iso co obxectivo de fomentar o enriquecemento interdisciplinar.

Esta actividade tivo lugar fóra das aulas, que tradicionalmente son espazos onde se promove a escoita pasiva, de xeito que fomentou o diálogo e o intercambio de ideas e opinións, ademais da participación por parte dun público máis amplo e non estritamente académico.


 

“Xinkana” Científica

 

A Xincana Científico-Cultural tivo lugar nas rúas e espazos emblemáticos de Santiago o sábado 2 de abril pola tarde. Na praza Rodríguez Cadarso, en pleno Campus Sur, formáronse grupos formados por novos estudantes universitarios, investigadores e socios de diversas organizacións divulgativas. Ás 18:00 horas partiron cara á zona vella da cidade segundo as pistas da ruta escollida por cada un deles.

Nela, a través da “gamificación”, estimuláronse habilidades creativas, de liderado e outros conceptos englobados pola educación non formal. A través da resolución de problemas científicos, o lecer e a diversión, os grupos aprenderon que xuntos a viaxe é máis doada. Para resolveren as probas, os participantes tiveron que interactuar cos transeúntes, aprender sobre a cidade e a tradición galega para comprender as pistas e aplicar conceptos científicos no ámbito social. Todo isto promovendo o coñecemento do patrimonio e da historia de Galicia. A oferta de Santiago é moi grande e as probas foron tan variadas que cada grupo tivo unha experiencia diferente e cada participante tivo que facer gala das súas mellores capacidades lóxico-dedutivas.

 

yincana1

Xincana Científica

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR